BO CAMIÑO - Etapa 16

Dona Disparate xa percorreu a metade das etapas do camiño do Norte. Esta semana chegou a unha cidade na que todo é moi grande.

Tanto é así que non teñen un "molino" normal, teñen un "MOLINÓN"!

Nesta imaxe vemos a Dona Disparate visitando un monumento tamén moi grande:

Para Infantil:

1. Sabes de que material está feito?

2. A que se asemella este monumento? Tes que botarlle moita imaxinación!

 

Para Primaria:

3. En que cidade asturiana está Dona Disparate?

4. Quen é o artista que creou este monumento? (PISTA: este artista xa apareceu na ETAPA 2 do camiño. Podes buscar esta etapa na columna da dereita, onde pon "ARQUIVO DO BLOG")

5. Co nome da cidade e do artista xa saberás o nome do monumento...

 

DONA DISPARATE agradécevos moito que participedes nestes retos. Se queredes podedes deixarlle unha mensaxe de ánimo no voso comentario (non esquezas NOME e CURSO).

 

Na etapa 15 Dona Disparate estaba no Museo do Xurásico de Asturias, en COLUNGA, na rasa de San Telmo. A principal teoría que explica a desaparición dos dinosauros é o impacto dun gran meteorito na Terra hai xa 65 millóns de anos!

Os nenos e nenas de infantil coñecen moitos nomes de dinosauros!

- Alosaurio

- Tiranosaurio ou T-Rex

- Diplodocus

- Triceratops

- Velociraptor

- Gallimimo

 

De ovos tamén nacen... as galiñas, os patos, as tartarugas, os pitiños, os crocodilos, as serpes, os caimáns e moitísimos máis!