BO CAMIÑO - Etapa 10

Na etapa desta semana Dona Disparate atópase nunha localidade mentireira. Si, si, mentireira! Hai un refrán en castelán que di desta localidade:

"Ni es santa, ni es llana, ni tiene mar"

 

Moi preto deste lugar está unha das covas máis importantes de España e do mundo! De feito dixeron dela que era a "Capela Sixtina" da arte rupestre.

 

Para INFANTIL:

1. Que pinturas podes ver na cova?

2. Como cres que vivían as persoas que fixeron esas pinturas, na prehistoria?

 

Para PRIMARIA:

3. Busca o refrán nun buscador (Google, por exemplo) e di en que localidade está Dona Disparate.

4. Como se chama a cova onde están esas pinturas rupestres?

5. Por que cres que esta cova é tan importante?

 

Escribe NOME e CURSO na túa resposta.

SOLUCIÓNS ETAPA 9

A semana pasada Dona Disparate estaba en SANTANDER, que é a capital de CANTABRIA. Visitou as esculturas dos RAQUEROS, CATRO nenos que se tiran ao mar. Pode ser moi perigoso tirarse así porque non se sabe a profundidade que pode haber nin se hai algunha rocha perigosa. Ademais, como di Lidia, polo porto entran e saen os barcos, polo tanto non é un bo lugar para bañarse.