Novidades de Novembro

 

 

Día da Biblioteca 2019

O pasado xoves 24 de outubro celebramos no colexio o Día da Biblioteca. 
Cando cada grupo de Primaria chegou á Biblioteca atopouse un sobre cunha carta de Dona Disparate. Como xa sabedes Dona Disparate pode ser un pouco despistada e, nesta ocasión, despois de todo o verán viaxando en busca de novos libros, non sabía regresar á súa querida Biblioteca.
Así que o alumnado tivo que atopala seguindo pistas e resolvendo unha serie de probas ata levala de volta á Biblioteca.

Curso 2019-2020

Comeza o novo curso e comeza tamén a funcionar a Biblioteca do CEIP San Miguel de Reinante.
Durante o curso iremos actualizando o blog para informar a toda a comunidade educativa das novidades, as actividades e outra información que poida resultar interesante.
En breve veredes a actividade que o equipo de mestras da biblioteca estamos deseñando para celebrar o Día da Biblioteca (24 de outubro). Estade atentos!

Olimpiada lectora

O xoves 25 de maio o alumnado de Primaria viviu unhas das actividades máis emocionantes da Semana Cultural deste ano, na que tiveron que demostrar as súas habilidades lectoras. Para iso organizáronse cinco grupos formados por alumnado dos 6 niveis educativos.

E, tras finalizar o traballo de lectura, o noso alumnado tivo que enfrontarse a un Pasapalabra moi especial, demostrando o moito que sabían do autor homenaxeado polas Letras Galegas deste ano.

Tras unha reñidísima loita, o grupo Carlos Casares alzouse coa vitoria e proclamáronse campións desta olimpíada.

LETRAS GALEGAS 2017

Con motivo da conmemoración das Letras Galegas, o alumnado traballou as obras do autor homenaxeado dunha forma especial. E é que non hai mellor forma de coñecer as súas obras, que formando parte delas. Así, pois, versionamos dous contos.

O primeiro dos contos foi versionado polo alumnado de infantil, primeiro e segundo de primaria. Para poder consultalo, clicade na seguinte imaxe:

O que aparece a continuación, é a versión "made in San Miguel" de O can Rin e o lobo Crispín. 

Dado o peso dos arquivos, para poder visualizalos mellor, deixamos o enlace para que poidades consultalo.

Esperemos que vos guste!

Día das Letras Galegas 2017

Para conmemorar o día das Letras Galegas, desde o Equipo da Biblioteca elaboramos unhas recomendacións de lectura para toda a comunidade educativa e que non veñen máis que a ser unha pequena mostra da variedade e calidade da literatura existente na actualidade na nosa lingua. Esperamos que vos gusten.

Así mesmo, estamos traballando noutras actividades que levaremos a cabo na Semana Cultural que se celebra no cole a próxima semana e das que daremos conta dentro duns días.

FELIZ DÍA DAS LETRAS GALEGAS!

DÍA DO LIBRO 2017

Como cada 23 de abril conmemórase o día do libro. Un día especial que desde o cole non quixemos deixar pasar e, para celebralo, nada mellor ca facer unhas recomendacións de lectura un tanto distintas. E é que a nosa biblioteca é un lugar importante do noso cole, pero non sería nada sen eles e elas: o noso alumnado.

Nas seguintes presentacións recollemos un pequena escolma das súas propostas. A primeira corresponden ao alumnado de Educación Infantil:

A seguinte presentación correspóndese coas recomendacións de Primaria:

FELIZ DÍA DO LIBRO A TOD@S!

Novas en feminino!

Na semana do 6 ao 10 de marzo celebramos no cole conxuntamente a semana da prensa e o día da muller traballador. Para tales importantes celebracións, o alumnado traballou na elaboración dunha edición especial do noso xornal, grazas á cal puidemos reflexionar sobre as diferenzas que aínda existen a día de hoxe entre homes e mulleres.

Ao longo de toda a semana, cada grupo foi recompilando aquelas novas que lles chamaron a atención, divididas nas distintas seccións do xornal. Finalmente, elaboramos o noso xornal, que está exposto na entrada do edificio principal do cole e que podedes visualizar a continuación.

Ademais disto, o noso alumnado posou nun photocall especial, que consistía en nada máis e nada menos, que na portada da edición especial do noso xornal, co seguinte titular:

Aquí tedes todas as fotos:

 

Esperamos que vos guste!