BO CAMIÑO - Etapa 3

Bo día a todos e a todas!

Dona Disparate está encantada coa vosa participación, estades animándoa moito no seu camiño. Como sempre, tedes as respostas ao final desta entrada.

Esta semana Dona Disparate aproveitou para facer unha parada nesta praia e probar con outro deporte.

Para Infantil:

1. Que deporte está practicando Dona Disparate?

2. Que necesita para practicar este deporte?

3. Onde poderías practicar ti este deporte?

Para Primaria:

4. En que praia está Dona Disparate? (lembrade que está facendo o Camiño do Norte e aínda non saíu da provincia de Guipúzcoa)

5. O que se ve detrás é o "Monte San Antón", que está en Getaria. Sabes que outro nome ten este monte?

Deixa a túa resposta en COMENTARIOS. 🔻 Non esquezas escribir o teu NOME e CURSO e, en "Comentar como:", elixe ANÓNIMO. 

Tedes unha semana para resolver o reto. O próximo venres se publicarán os vosos comentarios e teredes un novo reto. Ánimo e a seguir investigando así de ben!

SOLUCIÓNS ETAPA 2

A semana pasada Dona Disparate estaba en SAN SEBASTIÁN, ao final da praia de Ondarreta, visitando as esculturas de EDUARDO CHILLIDA que levan por nome EL PEINE DEL VIENTO.

Son 3 ESCULTURAS feitas de ACEIRO (mestura de FERRO e CARBONO).

O alumnado de Infantil nos propón estas semellanzas:

- Mateo di que se parece á unha man dun robot.

- Simón e Damián din que parecen uns ganchos.

- Vega di que parecen serpes.

- Lidia di que parecen peines. 

- Óscar di que parecen unhas pinzas.

A clase de 5 anos participa con estas semellanzas: ganchos, a letra E, o número 8 e uns columpios. 

Grazas pola vosa imaxinación e creatividade!