PROGRAMACIÓN DE NADAL CEIP SAN MIGUEL

 O Nadal vivese moito meste cole. A semana... estivo chea de actividade. 

E nun curso Artístico non podían faltar as exposicións, e nesta ocasión viñeron as familias

A radio da biblioteca estrea nome e logotipo

A radio da biblio xa é unha realidade… e agora tamén ten nome e logotipo. A partir de agora chamarase Pinchos nas ondas, unha denominación chea de personalidade que identificará todos os programas e actividades radiofónicas do centro.

O logotipo que acompaña a este nome é o que podedes ver na imaxe e foi o gañador do concurso realizado no colexio. O seu autor é Diego Lombardero, alumno de 3º de Educación Primaria, ao que felicitamos e agasallamos polo seu traballo e imaxinación.  

Con esta nova identidade, a radio da biblioteca segue medrando como un espazo para a lectura, a expresión oral e a participación de todo o alumnado.

Pinchos nas ondas comeza a soar con forza. Moi pronto, novos programas!

Recomendacións Lectoras.

 

Arrinca a radio do cole!

Esta semana demos un paso moi especial no proxecto da radio escolar: o alumnado de 5º E.P. gravou o seu primeiro programa de radio, unha experiencia chea de ilusión, aprendizaxe e moitas ganas de comunicar.

A actividade realizouse no marco dun obradoiro radiofónico guiado por Damián Alonso, do proxecto Ponte nas Ondas, quen acompañou ao alumnado ao longo de todo o proceso, achegándolles os coñecementos básicos e a paixón polo mundo da radio.

Durante o obradoiro, o alumnado tivo a oportunidade de pasar por todas as fases necesarias para crear un programa de radio, desde a idea inicial ata a gravación final.

Foi unha experiencia moi enriquecedora, na que traballaron a expresión oral, o traballo en equipo, a creatividade e a responsabilidade, coñecendo de primeira man como funciona unha emisora de radio.

Este primeiro programa é só o comezo dun proxecto que promete moitas voces, historias e aprendizaxes. Non volo perdades!

Reto Lego... conseguido

O reto semanal sigue atraendo moitos valentes

.

Lecturas en Familia

 Nesta semana varias familias animáronse a vir contarnos un conto. 

Moitas grazas a tod@s

Novidades novembro

 Os nosos andeis este novembro van encherse de novos títulos.

Reto Kapla

 Esta semana temos un reto complicado aínda así as ganas de completalo están presentes...

25N

 Ola amiguiñ@s hoxe de novamente dixemos Non Á Violencia.

O alumnado de sexto investigou sobre a fotógrafa norteamericana Cindy Sherman. SHERMAN ao longo da súa trayectoria planteou preguntas difíciles e importantes sobre o papel e a representación da muller na sociedade e os medios de comunicación.  

Ademais de profundizar na súa vida fixeron reinterpretacións dalgunhas das súas obras mais importantes.

O alumnado colaborador de quinto fixo unha representación con títeres de man do conto Peúgo o Calcetín Melenudo, un calcetín ao que a súa parella o trataba mal e se alonxou dela. 

Rematamos a xornada creando un tendal de calcetíns desparellados e reutilizados que buscan unha nova oportunidade.

Intagram

PROGRAMA PARA O 25 DE NOVEMBRO

 

Retos semanais

 Esta semana comezamos cos RETOS CREATIVOS NA BIBLIO. 

NESTA SEMANA...

A radio do cole busca nome e imaxe

 

Antes de comezar a emitir o noso primeiro programa e encher os corredores de música e entrevistas, precisamos dous elementos clave para que a radio poida arrancar: un nome axeitado e un logo que nos represente!

Por iso, lanzamos un Concurso Creativo para que sexa o alumnado quen decida a identidade visual e sonora deste novo espazo.

Animamos a todo o alumnado a participar! Sacade o voso lado máis imaxinativo e propoñede a vosa mellor idea.

Moito maxín no Samaín

 Pasamos uns días divertidos e diferentes no cole coa chegada do tempo do Samaín. 

O mércores un obradoiro creativo facendo colage " Que cor ten o medo"

E o xoves Samaín e Magosto, un día cargado de Actividades. 

A Exposición sobre Frida Kahlo que o alumnado de terceiro fixo achegándonos á vida e obra da artista.

Logo conto por parte das colaboradoras de sexto " A Bruxa Regañadentes", castañas e chocolate. 

E para remate xogos populares coas familias.

UNS DÍAS MARABILLOSOS E ARTÍSTICOS.

Samaín

 

24 outubro Día das Bibliotecas escolares

Ola amiguiñ@s aquí estamos de novo! Reanudado un curso máis a actividade na Biblioteca Micaela.

Nun curso de " Por Amor á Arte" que mellor forma que comezar co Arte Rupestre, unha das primeiras manifestacións artísticas da humanidade, un feito histórico importantísimo. Os máis " grandes do cole"  4° de E.I. ( porque así o demostraron hoxe) estudaron a fondo este tipo de arte explicándonos todo o que aprenderon e experimentaron.

Despois os voluntarios de cuarto, contaronos o conto dun pequeno cavernícola que prepararon con todo o cariño para tod@s nós.

E hoxe, nun día tan especial...arrancaron as mochilas viaxeiras