luns, 17 de febreiro de 2025

Follas Novas Saberes Migrantes

 Canto aprendín hoxe do noso pasado!.

 Hoxe visitou o centro Silvia Fiallega pertencente a Rede Museística de Lugo. 

Silvia fíxonos reflexionar sobre a gran aportación que os emigrantes barreirenses fixeron para a cultura e a educación dos seus veciños e veciñas.

Ademais convidounos a reflexionar e rememorar as nosas historias persoais e falar de algún migrante na familia.

Todos imos levar a plantilla dunha filla de carballo. Nela escribiremos a historia dese familiar que tivo que emigrar, por que emigrou como lle foi nese novo lugar.

Se non sabedes escribir, non hai problema podedes facer un debuxo, un collage con fotos de emigrantes (eso si fotocopias da imaxe!)

Todas esas super aportacións que nos fagades chegar irán para o Primeiro Museo da Emigración en Lugo! Todo un reto verdade? 

Veña! Bulide nen@s toca explorar o noso pasado emigrante, ben a Cuba, Arxentina, Brasil... Ou  a Suiza, Francia, Bélxica...

Se precisades calquera tipo de axuda, non dubidedes en preguntar ben na biblioteca, ao titor ou enviando un correo ao correo da biblioteca . 

Espero a vosa axuda!!!

biblio.donadisparate@gmail.com













venres, 14 de febreiro de 2025

Deseña o teu disfraz

 Despois do éxito que tivo esta actividade na ginkana feita polo día da Paz, decidimos deixar unhos periódicos para poder seguir deseñando.



Día do amor e a amizade.

 Deixamos as nosas palabras de cariño as nosas familias e amigos/as no tendedeiro.



martes, 11 de febreiro de 2025

Actos Día de Rosalía

 

A actividade do día trece foi adiada debido á climatoloxía, faremos a saída o día 7 de marzo.

https://comunidadermpl.gal/follas-novas-saberes-migrantes/?fbclid=IwY2xjawIZQNZleHRuA2FlbQIxMQABHVjTVLTMQfolDgKH7MewJvbahMecoZSkZ5VjiayumtvQMO930Yn76lKktA_aem_laJCnshDcYcgSK_Aob51Tw&sfnsn=scwspwa

Semana da Prensa

 Aviso! aviso importante! Precisamos a axuda de todos e todas vós para recompilar notícias sobre o noso concello.



Obradoiro de percusión con Habelas Hailas.

 Ola amiguiños e amiguiñas! Aquí estou de novo! Non sabedes ben o contento que ando nestes días xa que temos moitísimas actividades preparadas para todos vos!

Arrecende a Entroido e co trouleiros que somos en Barreiros ... non podíamos pasar sen convidar ao centro as nosas comparsas! 

Onte luns dez, as Habelas Hainas viñeron enchernos de alegría e ambiente de Entroido organizando un taller de percusión que fixo a delicia de todos e todas, compartindo con nós unha mañá do máis agradable, na que tamén poidemos tocar e ver cada un dos complementos que luciron ao longo destes anos nos diversos desfiles da comarca.

Moitísimas grazas por vir, quedades convidados/as ao nos gran desfile do 28!!!









luns, 3 de febreiro de 2025

Celebrando o día da Paz

 Ola de novo amiguiños! 

Que fermosa conmemoración esta do día da Paz!!

    Que mellor exemplo de conviencia en Paz que o Camiño de Santiago, un exemplo de unión de culturas.

O Camiño Norte pasa polo noso concello entrando nel por Vilamartín Pequeno. O alumnado de cuarto tomou a palabra nesta conmemoración facendo un video sobre Vilamartín precisamente. Despois fixeron lectura da adaptacion do conto de Bo Camiño Valentiño, que seica andivo por Vilamartín...



Ao día seguinte, unha tremenda Ginkana organizouse por todo o patio do centro, o obxectivo... atopar o Tesouro de Maeloc



Nesta ginkana aprendimos numerosas curiosidades do noso concello ao mesmo tempo que desfrutamos.



































Pasadas todas as probas entre todos compuxemos a chave que abre o cofre de Maeloc obtendo o seu valioso tesouro, poder vivir en Paz.