martes, 3 de maio de 2022

Este mes na biblio... LEGO

Continuamos cos obradoiros creativos na biblioteca, nesta ocasión con LEGO e LEGO Duplo.

Todos os grupos virán á biblioteca durante este mes de maio para realizar diferentes actividades e retos con estes materiais. Traballaremos a contrución, a lóxica, a matemática, o deseño, a creatividade, a imaxinación... e por suposto o traballo en equipo e a colaboración.


Ademais dos Lego tamén aproveitamos para probar algún xogo novo:


mércores, 27 de abril de 2022

Día do libro 2022

Nesta ocasión propúxose ao alumnado a realización da seguinte manualidade. Coñecemos así algúns dos seus libros favoritos...

 








luns, 25 de abril de 2022

Club de lectura en 5º e 6º

Comezamos este 3º trimestre coa creación de dous clubs de lectura en 5º e 6º de Primaria.

Xa que temos acceso á plataforma E-LBE.2 de Lectura dixital, aproveitamos que o alumnado destes cursos pode realizar estas lecturas nos seus dispositivos E-Dixgal. A esta actividade voluntaria xa se apuntaron 20 alumnos e alumnas.

Comezamos na primeira sesión de cada club coa elección da primeira lectura, o rexistro na plataforma e o reparto duns cadernos.



xoves, 21 de abril de 2022

Xogando co Escornabot

Algún grupo xa comezou a probar o escornabot da Biblioteca Creativa. O alumnado de 3º deseñou uns circuitos con pezas de goma eva para despois programar o robot e que non caera ao chan.









venres, 8 de abril de 2022

Novidades na Biblioteca

Aquí podedes ver algúns dos novos libros que temos na biblioteca:







domingo, 3 de abril de 2022

Este mes na biblio... Lettering

Esta semana o alumnado de 3º, 4º, 5º e 6º realizará un obradoiro de lettering na Biblioteca do cole.


Algúns nenos e nenas xa levan un tempo experimentando cos rotuladores de punta de pincel. Neste obradoiro aprenderemos a técnica básica e practicaremos con ↴

 ESTE ABECEDARIO

 



mércores, 2 de marzo de 2022

8 de Marzo: as nosas bravas do mar

O próximo martes 8 de marzo celebramos o Día Internacional da Muller. Como sabedes durante este trimestre o noso proxecto "Rumbo ao mar" céntrase no mar como medio de vida ("Un mar xeneroso"). Así que durante estes días afondaremos nalgunhas profesións relacionadas co mar e o papel da muller nelas.

Para comezar traemos tres pequenos contos que nos falan destas tres profesións:


Tamén vos presentamos unha selección de vídeos e recursos para coñecer e investigar sobre estas e outras profesións relacionadas co mar:

 👉 O mar das mulleres (recursos educativos):


 👉 Bravas do mar:

 

 

 👉 Desde o mar (documental):


 

 👉  As leccións da marea:

 

 👉 Un mar de mulleres. Parte 1 - Un mar de mulleres. Parte 2 (documental):

 

 

 👉 Puntada invisible (redeiras):

 

 👉 Mulleres do mar de Arousa:

mércores, 23 de febreiro de 2022

É tempo de entroido

E no tempo de entroido aproveitamos para escoitar estas dúas cancións baseadas nestes libros que temos na Biblioteca: "É tempo de entroido" e "Non pare a festa", de Ramón D. Veiga e David Sierra.